ప్రజల సంరక్షణ, భద్రతకై కమ్యూనిటీ కాంటాక్ట్,ల నిర్వహణ

వాస్తవ నేస్తం,ఆదిలాబాద్: ప్రజల రక్షణ, భద్రతకై కార్డెన్ అండ్ సెర్చ్ లను నిర్వహించడం జరుగుతుందని ఆదిలాబాద్ జిల్లా ఎస్పీ అఖిల్ మహాజన్ తెలిపారు. గురువారం తెల్లవారుజామున ఇచ్చోడ మండలంలోని కేశవపట్నం గ్రామంలో ఎస్పీ ఆధ్వర్యంలో పోలీసులు కార్డెన్ అండ్ సెర్చ్ నిర్వహించారు. కార్డెన్ అండ్ సెర్చ్ కార్యక్రమంలో సరైన ధ్రువపత్రాలేని 82 ద్విచక్ర వాహనాలు, 18 ఆటోలు, ఒక మ్యాక్స్ స్వాధీనం చేసుకున్నట్లు ఎస్పీ తెలిపారు. మొదటగా గ్రామాన్ని అధికారులతో కలిసి తిరిగి విద్యార్థులకు చదువుపై ఉన్న ప్రాధాన్యతను తెలియజేశారు. అనంతరం గ్రామంలో ఏర్పాటు చేసిన సమావేశంలో పాల్గొని తల్లిదండ్రులు యువతకు చదువుకునేలా ప్రోత్సహించాలని, చదువు వలన భవిష్యత్తు, మంచి పేరు లభిస్తాయని సూచించారు. గ్రామంలో ఎలాంటి అసాంఘిక కార్యకలాపాలు నిర్వహించకుండా ఉండాలని సూచించారు.