H1B Visa : ప్రయాణం... భారమే
H1B visa new rules 2025 , H1B visa fee increase for Indians , Why is H1B visa so expensive now , H1B visa lottery cancelled 2025 , H1B visa cost $100
By
Vaasthava Nestham
H1B Visa 2025: New Rules, High Fees & Alternatives for Indians
అమెరికాలో ఉద్యోగం సాధించి స్థిరపడాలన్న కలలతో భారతీయ నిపుణులు ఎదురుచూస్తారు. కానీ తాజాగా ట్రంప్ ప్రభుత్వం తీసుకొచ్చిన కొత్త నిబంధనలు ఆ కలలకు పెద్ద దెబ్బ కొట్టాయి.
హెచ్-1బీ వీసా కోసం కొత్తగా దరఖాస్తు చేసుకునేవారు ఇకపై లక్ష డాలర్లు (సుమారు ₹88 లక్షలు) ఫీజుగా చెల్లించాల్సి ఉంటుంది. దీంతో అమెరికాలో ఉద్యోగం అనేది ఇకపై కేవలం ప్రతిభ, కృషితో సాధ్యమయ్యే విషయం కాకుండా, చాలా ఖరీదైన వ్యవహారంగా మారింది. ఈ పరిస్థితి కారణంగా నైపుణ్యం కలిగిన భారతీయులు ఇప్పుడు అమెరికా బదులు ఇతర దేశాల వైపు దృష్టి సారిస్తున్నారు.
అమెరికాకు బదులు కొత్త గమ్యస్థానాలు..
• కెనడా : ఫెడరల్ స్కిల్డ్ వర్కర్ ప్రోగ్రామ్ ద్వారా వర్క్ వీసా, శాశ్వత నివాసం (PR) సులభం. ఐటీ రంగంలో విస్తృత అవకాశాలు.
• జర్మనీ : తయారీ, ఇంజినీరింగ్ రంగాల్లో పుష్కల ఉద్యోగాలు. జాబ్ సీకర్ వీసాతో ఆరు నెలల పాటు ఉద్యోగం వెతికే సౌకర్యం. యూరోపియన్ యూనియన్ బ్లూ కార్డ్ ద్వారా వర్క్ పర్మిట్ సులభం.
• సింగపూర్ : ఐటీ, బ్యాంకింగ్, మార్కెటింగ్ రంగాల్లో వేగంగా అవకాశాలు. ఎంప్లాయ్‌మెంట్ పాస్ (EP) వీసా ప్రక్రియ త్వరగా పూర్తవుతుంది.
• యూఏఈ : ఆదాయపు పన్ను లేకపోవడం ప్రధాన ఆకర్షణ. ఐటీ, హెల్త్‌కేర్, హాస్పిటాలిటీ, నిర్మాణ రంగాల్లో ఉద్యోగాలు అధికం.
• ఆస్ట్రేలియా : మెరుగైన జీవన ప్రమాణాలు, అనుకూలమైన పని వాతావరణం. జనరల్ స్కిల్డ్ మైగ్రేషన్ (GSM) ప్రోగ్రామ్ ద్వారా ఐటీ, ఇంజినీరింగ్, హెల్త్‌కేర్, విద్య రంగాల్లో డిమాండ్ ఎక్కువ. మొత్తంగా అమెరికా వీసా నిబంధనలు కఠినతరం అవుతుండగా, ఈ దేశాలు భారత నిపుణులకు కొత్త ఆశాకిరణాలుగా మారాయి.
ప్రయాణ ఖర్చులు కూడా భారమే..
అమెరికా అధ్యక్షుడు భారత్‌ను మిత్రదేశం అంటూనే, ఒకవైపు టారిఫ్లు విధించడం, మరోవైపు వీసా ఫీజులు, విమాన ఛార్జీలు పెంచడం కొనసాగిస్తున్నారు. అమెరికా వెళ్లే భారతీయులపై ఇది మరింత భారమవుతోంది.
2025 సెప్టెంబర్–అక్టోబర్ : అమెరికా నుంచి ఇండియాకు రౌండ్ ట్రిప్ టికెట్లు సగటు $500–$800 (₹41,000–₹65,000).
వన్-వే టికెట్లు $300–$400 నుంచి ప్రారంభం.
డల్లాస్–ఇండియా : ₹49,500–₹60,000.
న్యూయార్క్–ముంబై : $584 (కువైట్ ఎయిర్వేస్, అక్టోబర్ 7–14).
వాషింగ్టన్–ఢిల్లీ : $339 (ఎయిర్ ఇండియా, వన్-వే).
ఇండియా నుండి అమెరికాకు వెనక్కి టికెట్లు సుమారు ₹41,000 ($490) నుంచి. వీసా ఫీజులు పెరగడం, విమాన టికెట్ ధరలు అధికమవడం వల్ల అమెరికా ప్రయాణం ఇప్పుడు నిజంగానే భారమే. ఈ నేపథ్యంలో, భారతీయ నిపుణులు తమ కెరీర్‌ల భవిష్యత్తును కెనడా, జర్మనీ, సింగపూర్, యూఏఈ, ఆస్ట్రేలియా వంటి దేశాల్లో వెతుక్కుంటున్నారు.
Comments
WhatsApp
Telegram